Plantun de Prouvènço

Pèr coumpara dos planto d'encò nostre

Limonium echioides & Succisa pratensis

Limonium echioides

Plumbaginaceae

Nom en français : Limonium annuel.

Descripcioun :
Aquesto saladello, la souleto de l'an, trachis dins li tepiero sablouso e secarouso majamen en ribo de mar. Fai uno rouseto de fueio espatulado emé de costo penado. Se recounèis subretout que li "calice" di flour porton de dènt croucudo, ço que se vèi bèn à la cabusso di petalo. L'óuviero èi peréu cubert de pichòti berrugo (fotò). Au contro dis àutri saladello, flouris tre lou mes de mai e quàsi pas l'estiéu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Limonium
Famiho : Plumbaginaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 200 m
Aparado : Vo
Mai à jun

Liò : Tepiero sablouso - Mar - Sansouiro
Estànci : Mesoumediterran
Couroulougi : Estenoumediterrano
Ref. sc. : Limonium echioides (L.) Mill., 1768

Mourdudo

Succisa pratensis

Caprifoliaceae Dipsacaceae

Àutri noum : Cap-d'ase, Flour-de-la-véuso, Véuso.

Noms en français : Succise, Mors-du-diable.

Descripcioun :
La mordudo trachis en coulounìo dins li prado umido ; es uno planto pulèu raro au nostre. Se recounèis à si lòngui fueio en lanço e à sa racino coupado coume s'èro mordudo (d'aqui lou noum). I'a quatre petalo à la flour e li bratèio sèmblon de fueio.

Usanço :
La mordudo es uno planto couneigudo pèr sougna li malautié de pèu coume la rougno o la rasco e apasima lou prusi. Lucho peréu contro lou raumas (espetouranto). Coume lis àùtris escabiouso, es utilisado à la primo coume depurativo "pèr neteja lou sang". Se fai uno tenchuro jauno emé li flour.

Port : Grando erbo
Taio : 30 à 120 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Succisa
Famiho : Caprifoliaceae
Famiho classico : Dipsacaceae

Ordre : Dipsacales

Coulour de la flour : Bluio
Petalo : 4
Ø (o loungour) enflourejado : 0,8 à 1,2 cm
Flourido : Estiéu - Autouno

Sòu : Ca
Autour basso e auto : 0 à 2200 m
Aparado : Noun
Setèmbre à óutobre

Liò : Prado umido - Palun
Estànci : Mesoumediterran à Mountagnard
Couroulougi : Éurasiatico
Ref. sc. : Succisa pratensis Moench, 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Limonium echioides & Succisa pratensis

ges

Coumpara Saladello(-de-l'an) emé uno autro planto

Coumpara Mourdudo emé uno autro planto